黃日華難忘3℃潛水

藝人黃日華、阮兆祥（祥仔）和趙碩之昨日出席慈善步行籌款，現場下雨兼刮風，相當寒冷。眾人均穿上羽絨保暖，經常於冬天拍古裝戲都要下水的黃日華卻笑稱未算太辛苦：「最難忘同苗僑偉喺3、4度，又落住『冰雨』下跳落水，導演仲要我哋潛水半分鐘先准上嚟，當時跳落水後好似冰櫃咁，一上水成身冰凍！（依家再拍仲得？）一定唔得！廿秒後我死咗喇！」祥仔則表示現時科技進步，有潛水衣兼可於泳池拍水底戲。正趕拍鄧特希監製新劇《隱世者們》的趙碩之，被問到戲中會否打扮性感？她笑謂：「唔好啦，性感靠人，唔好靠件衫。」跟吳啟華有感情戲的她，笑稱想見識對方的「吻功」，相信啟華好錫得。