高Ling搵宋熙年過橋鄧智偉鍾意女神

高海寧昨日被問戀情即以好友宋熙年過橋。

鄧智偉昨出席另一活動時談到戀情，先表現輕鬆，後來忟憎兼黑面，他先笑說：「私人嘢一向唔多講，多謝你哋話我知，我同佢活動範圍咁近，我嚟緊多啲留港，多啲留喺大堂同停車場發展吓。（係咪拍拖、同居？）唔係o架嘛。」他又澄清易容返家，其實是新造型，談到高Ling說喜歡才子，問他是否又鍾意高Ling這類型？他笑說：「女神個個都鍾意。（高Ling係嗰度有月租車位？）我冇車，亦冇車牌。（佢有車咪得！）哈哈哈。」他聲稱同高Ling不熟，當有指兩人住同一層單位，他即煞有介事說：「點會呀！都話大堂同停車場咯！（佢生日你送佢玫瑰花？）我探病o架！咁啱啫。」最後問到傳緋聞，與高Ling見面時可會尷尬？他黑面說：「見到先啦，得唔得呀啲答案？夠唔夠寫？」

• 鄧智偉談到高海寧先表現輕鬆後黑面。