遭唐紫睿爆格鬥被Out Winkie為自己平反
藝人唐紫睿（Hazel）及錢小豪昨午出席泰拳女性拳賽活動，Hazel透露有份參與、now稍後播出的MMA真人騷《G1格鬥會》已錄至尾聲，談到有份參賽的黎美言（Winkie）與其他拍檔不和，她謂：「佢話畀人聽退賽，其實佢係四強被淘汰，節目出街就知嘞。」至於從來未有講過退賽的Winkie，接受電話訪問時大方說：「我一直好畀心機去打，我好有體育精神，亦好尊重比賽，我已經簽晒保密協議，大家想知係咪（退賽），到時就水落石出啦！」
另外，錢小豪昨帶同13歲兒子錢穎德現身，談到工作，他透露：「接咗兩套殭屍片農曆年後開拍，我啱啱喺山東返嚟，都係拍咗套關於殭屍嘅微電影，走唔甩！」
