王馨平代王羽報平安：係未講到嘢

藝人王馨平（Linda）的父親王羽早前於泰國因急性腦出血被送院搶救，經歷兩次開腦手術後終於醒過來，三度飛往當地照顧爸爸的Linda，昨日透過電話代對方報平安，雖然未有透露細節，但坦承父親早前因腦中風入院，之後已醒過來，又強調其病情愈來愈好轉。
王馨平謂三姊妹輪流飛往泰國照顧父親。
王馨平謂三姊妹輪流飛往泰國照顧父親。

是否仍臥病在床？Linda說：「爹哋仲喺泰國，依家好好多，好快返台灣。（目前頭腦清醒？講到嘢？）OK，未講到嘢，但眼仔望來望去，唔使擔心，我哋全家人都好團結。」並謂三姊妹將輪流飛赴泰國照顧父親，又感激許多朋友都很幫忙，稍後返台亦有專人安排。有傳醫療費高達200萬元，Linda未有否認：「冇辦法，要畀佢最好嘅治療。（返台後要物理治療？）再睇情況。（唔畀佢再獨自出埠？）呢啲嘢有時講唔埋，我一向都唔鍾意佢飛嚟飛去。」

王羽早前在泰國因急性腦出血，被送院搶救。
  • 王羽早前在泰國因急性腦出血，被送院搶救。