郭翠華佗仔激發創意
本地時裝設計師郭翠華（Ranee）近年專注藝術，並在港修讀澳洲皇家墨爾本理工大學藝術學院學士課程，昨日舉行畢業展覽，其兩名兒子Anton與Jonas也有到場支持。Ranee表示讀了三年，終於畢業，期間更正值懷孕：「大住肚讀書都OK，亦因大肚而激發我畢業作品嘅靈感，作品叫《我們都不是無辜的》，以環保為主題，想像由我個細仔年輕至老年，個地球會變成點。」
郭翠華的細仔現時3個月大，與大仔相差6年，她笑言若兩個小朋友年紀太接近，反而未必能照顧周全：「以前對大仔做得唔夠好嘅，喺細仔度做番好，依家係進化版。（大仔有冇呷醋？）冇，佢仲爭住抱BB。（會否再生？）兩個夠，只係想大仔有個伴。」