何佩珉甜品殺手刀鋸「雪糕扒」

武打新星何佩珉（Mandy）年前加入無綫後即大計多多，本身有武功底子的她坦言自己平日勤於練功及跑步keep fit，故對於雪糕等容易致肥的甜點就毋須忍口！Mandy說：「我食甜品有另一個胃，就算晚餐唔食主菜都要食甜品！比較靚嘅甜品就會同朋友周圍去試食。不過我都驚肥，所以會Keep住日日跑步！」
何佩珉大讚雪糕加多士超級match。
何佩珉大讚雪糕加多士超級match。

她日前更抽空到元朗糖水舖大歎特色甜品「雪糕漢堡」及狂鋸「雪糕扒」，香軟可口的雪糕球分別被夾在麥包內及放置「鐵板」上，造型可愛之餘又不失美味，令人睇見都流晒口水！Mandy自爆特意一早去排隊等店舖開門：「我特登去等佢開門，雪糕漢堡做得好精緻同有噱頭，而且雪糕加麵包或多士真係超級match！」問到她平日會否下廚？Mandy笑言過往會為父母下廚：「我會焗蛋糕去慶祝父親節同母親節，我仲同蔚雨芯及張惠雅等學整薑餅人曲奇，周圍送畀朋友當禮物！」

何佩珉自誇食甜品有另一個胃。
  • 何佩珉自誇食甜品有另一個胃。