謝安琪爆老公心碎陳慧琳空留回憶

歌手謝安琪（Kay）昨日談到SMAP傳出解散消息，Kay大爆老公張繼聰心碎了一地，更大爆他常在家中扮木村拓哉：「佢今朝聽到消息嗰陣『他是抗拒的』，我覺得係我哋青春散去，中學時期已經睇佢哋節目又買佢哋嘅烹飪書，我哋仲一齊飛過去睇佢哋演唱會。」阿聰十多歲已鍾情SMAP並大讚木村演戲及綜藝演出均出色，解散令他大表可惜：「佢嘅潮流影響咗我哋嗰一代，我出道時仲留咗佢哋相若髮型！依家好多人鍾意韓星，我嘅年代就鍾意日本明星，有種感覺係青春完結。」