猷君正日生日Kimmy飛港冧男友

今年21歲生日的賭王何鴻燊四房兒子何猷君可謂特別開心，繼日前獲新加坡富商千金女友Kimmy在新加坡送上驚喜生日派對，對於女友還扮DJ，及準備巨型鋼琴蛋糕開心不已，但原來驚喜接二連三，前日（12日）正日生日，女友再送上驚喜，秘密來港為他慶祝，令猷君驚喜萬分。昨日超盈在網上放上與猷君的生日照，相中猷君與家姐超盈、四太梁安琪及婆婆合照，而Kimmy站在猷君背後，並與超盈面貼面，樂也融融，看來Kimmy經已見家長，完全融入四太一家，儼如全家福。

昨日猷君在上海公幹，他透過電話回覆說：「女友專程飛過嚟香港畀驚喜我，好開心，今次同媽咪有見面，媽咪好鍾意佢，（你欣賞Kimmy邊方面？）高貴大方，又應對得體，公開之後，大家都好認可，唔係話豪門對豪門，係大家真係好夾，（Kimmy邊樣打動你？）佢好肯花心思去對我，好少女仔會做咁多驚喜對男仔，之前喺新加坡，依家又飛嚟香港，好感動，佢本身都有工作，所以好難得。」問到Kimmy送甚麼禮物給他，他笑言女友成個人飛來港已經是最好的生日禮物。