回巢有高層傍實 陳國邦爆未簽約

回巢的陳國邦由曾勵珍傍實受訪，地位今時唔同往日。

至於陳國邦透露目前仍未動筆簽約，指曾勵珍花了很多時間與誠意打動他：「我走咗都冇兩個月，對公司嚟講都唔係易決定！」提到即將與黎耀祥及毛舜筠等拍新處境劇，是否要推Job拍劇？他表示要重新整理，感激公司願意遷就拍劇時間，好讓他到大學講課。

同場的蕭正楠早前與家人及女友黃翠如到日本旅行，坦言媽媽對翠如非常滿意：「睇得出佢好識照顧人，我好急搵車，佢喺後面照顧媽媽，係好女友！（想翠如做新抱？）未去到咁遠！」在旁的曹永廉則揶揄他：「女嘅好好，男嘅就麻麻！」而翠如昨日受訪時讚蕭母對她很好：「對我好過對佢！再講佢會呷醋！」

曾勵珍摸陳國邦個頭，叫佢聽話唔好再走？

陳國邦（左起）、黎耀祥、曹永廉與蕭正楠一副西裝骨骨拍新劇宣傳片。