鍾采羲凸襲首映文凱玲鬥後

電影《鴨王2》演員文凱玲、林莉嫻、鍾采羲與唐紫睿等前晚到尖沙咀出席首映禮，一班女星皆悉心打扮亮相，其中文凱玲與林莉嫻以露背裝「留前鬥後」十分省鏡，而配角鍾采羲大晒四吋「事業線」，論性感可謂平分秋色。

五花大綁嘔白泡

身為女主角的文凱玲受訪時讚鍾采羲「峰」芒畢露：「佢條裙就算畀我着都冇咁嘅效果，咁我無謂獻醜啦！」她又透露戲中有一場與何華超、梁敏儀的SM戲，慘被五花大綁，感覺自己好像是大閘蟹：「畀人綁住好尷尬、好辛苦，終於明白大閘蟹點解會嘔白泡。」問到可會擔心將來的男友會介意大膽演出？文凱玲說：「好多人睇到Trailer都覺得好激、好誇張，希望將來搵到個成熟嘅男仔唔會介意，明白只係做嘢。」

文凱玲大露背示人「留前鬥後」！	唐紫睿（左）以低胸上陣，烏身食雪條更見「凸」出。	同樣大露背的林莉嫻透露拍裸露戲時緊張又刺激。

林莉嫻裸嚟緊張

至於成功搶鏡的鍾采羲解釋前晚是新片首映，性感上陣只配合電影題材：「畀大家欣賞吓啫！」她又透露同樣於戲中有SM場面，是演出以來最大膽一次：「同林子善、何華超嗰場SM戲有啲血腥，自己睇到都心噏，因為我都幾傳統，起初收到劇本都幾抗拒，但係導演話拍出嚟效果會係戲劇感。」而由模特兒轉做演員的林莉嫻首次拍戲已經有裸露演出，包括床戲及全祼鏡頭，她坦言拍攝時勁緊張：「好刺激！好彩何浩文都好專業，唔會令到我尷尬。」

文：影視組