麥明詩出戰華姐 龐卓欣火辣打氣
應屆港姐麥明詩將代表香港「出戰」，競逐華姐后冠，但身為主人家的麥明詩在記者會上卻遭好姐妹龐卓欣搶風頭。面對「宿敵」，麥明詩大方回應：「佢想畀啲熱情感覺我啫。」
「2016國際中華小姐競選」將於本月23日舉行。無綫昨舉行有關記招，宣布由本屆港姐冠軍麥明詩代表出賽，而她的一班好姐妹包括龐卓欣及郭嘉文等現身支持，並為麥明詩送上多款扮靚用品幫她「升watt」備戰。龐卓欣更「大開中門」兼露背現身，搶去主人家不少風頭！
仲未開始緊張
問到麥明詩是否開始緊張，她笑謂：「又唔會，始終有選港姐經驗，依家忙於護膚同瞓多啲。（瘦咗？）刻意嘅，港姐之後我增咗磅嘛，依家瘦咗幾磅，想再減啲。（有冇信心？）目標都想入三甲，聽講其他女仔好靚，所以將目標降低。（龐卓欣搶你鏡喎！）佢係想畀熱情啲感覺我啫。」
成立網上頻道
至於龐卓欣被問到是否以私伙上陣、忽然性感搶鏡？她即解畫說：「我有着羽絨嚟，咁其他佳麗身體好，我畀佢（麥明詩）習慣吓先啫。（真空？）有貼身胸圍。其實麥明詩之前都着過類似嘅衫，斯文大方嘛，我覺得呢條裙啱我性格。」她又透露已於網上成立自己的頻道，與粉絲們保持交流：「總之想做自己鍾意做嘅嘢先，未諗點同公司簽約嘅事宜。」
文：影視組