Kelly入行廿年最驚變阿毛
天后陳慧琳（Kelly）昨日舉行新碟發布會及唱片封套展，展示20年來推出的唱片，她最深刻是拉隊到希臘拍唱片封面，當時亦是唱片業的輝煌歲月。郭富城（城城）、張學友更拍祝賀片賀Kelly，城城說Kelly第一部電影《仙樂飄飄》跟他合作，覺得她貌似林青霞，雖然是新人但認真又勤力。學友亦大讚Kelly是圈中少見的勤力女藝人，可稱是第一名。
司儀問及Kelly入行20年的感受，她坦言好驚：「咁快就20年！」當司儀祝她再有20年，Kelly即嚇得挨落布景板說：「咁快又嚟！」之後唱片公司高層黃劍濤送上20周年紀念品，並指Kelly是唯一效力該公司20年未離開過的女歌手，男歌手則是譚詠麟。
老公歡迎「歸家」
受訪時問及Kelly，新碟推出二千張特別版反應熱烈，可有壓力？她說沒有：「不過可能會係最後一次出十首歌嘅碟，始終市道唔同以前。（再向20年進發，點解嚇到挨埋牆？）唔係驚，係唔敢諗咁遠，依家個樣仲呃得吓人，但遲啲唔知Fans接受能力有幾高，我都係偶像派嚟，人哋覺得你老就話：『行開啦，阿毛你返屋企啦！』今日唔知聽日事，Enjoy每一天。」
已完成演唱會及新碟，可專心留家的Kelly爆笑謂：「我做番晒老婆嘅嘢啦，我做完演唱會，老公即刻攬住我話：『好囉，你終於返嚟啦！』因為嗰十日都要佢照顧小朋友，佢Feel到我嘅重要性。」