星爺小豬癱瘓尖沙咀

由周星馳監製、執導的新片《美人魚》將於農曆新年在港上影，星爺大搞噱頭昨日包起來往尖沙咀及中環的天星小輪航線讓市民免費任搭，昨午他與影片男、女主角羅志祥（小豬）和林允到中環碼頭搭船過海，吸引近三百名粉絲到場守候一睹偶像風采，場面墟冚！

大放笑彈

三人一到場即時引起全場哄動，更有「星粉」示愛大叫「愛你一萬年」，他們在工作人員護送下成功登船，途中他們亦不忘欣賞維港風景，泊岸時更在窗口向粉絲熱情揮手，認真親民，不枉粉絲耐心守候尖沙咀閘口多時，由於人多勢眾，堵塞整個出口，最後星爺一行三人在逾百名圍觀者簇擁下，寸步難移的登上座駕離去。

星爺現身，癱瘓尖沙咀碼頭！

星爺與小豬、林允跟碼頭上的粉絲打招呼。

搭船之前，大會先安排星爺三人在中環碼頭舉行宣傳活動，星爺不忘搞笑本色大放笑彈，司儀問星爺平時如何搭渡輪？星爺妙語如珠的回應說：「就咁搭囉！不過今次咁多人就熱鬧啲。」當司儀問到他為何起用林允演出《美》片時，星爺說：「佢識游水囉，司儀你得唔得？識唔識游狗仔式？」令司儀哭笑不得！

呵護林允

星爺說：「我細細個就好鍾意美人魚，好開心可以拍到呢個主題，我好鍾意海。」林允更大爆星爺拍攝時會演給她看，對她呵護備至。已兩度跟星爺合作的小豬表示合作開心：「但兩次我都唔係演人類，今次我演八爪魚，個角色每次要花數小時化妝預備呀！」

文：影視組