被封「樂壇變色龍」的大衞寶兒早年創下多個經典造型帶領潮流，雌雄同體的形象成為標誌，近年他才漸變番man！本地著名時裝設計師鄧達智稱讚大衞寶兒是一代的潮流標誌，可謂前無古人後無來者，他說：「佢帶有punk嘅影子，但加入中性味道，仲有佢唱歌嘅演繹風格都好一致，整個形象好前衞出位，永遠唔會娘，好多歌手如羅文同張國榮都受佢影響。」
大衞拍攝宣傳照時曾有兩套間條服飾成為熱話，誇爆闊褲hit到今時今日，而另一妖爆Deep V造型更連日本女歌手Kyary PamyuPamyu（KPP）都倣效，去年化身大衞現身節目！
大衞於1984年發布《Blue Jean》MV，配上銅色膚色行出T字台唱跳的他，造型令人印象深刻，羅文於《乜都拗》MV中的妖媚造型，甚至舞台走位亦疑向大衞「參考」！
大衞於1983年舉行《Serious Moonlight Tour》時告別以往形象，改以一頭sharp爆金毛配上黃色西裝出場，走在潮流尖端令粉絲印象深刻！
大衞早於1972年以雌雄同體及華麗的「Ziggy Stardust」形象示人，面上閃電圖案及punk爆髮型成為華麗搖滾標誌，連名模姬摩絲（Kate Moss）早年亦以同一造型登上雜誌封面致敬！
大衞於1987年拍《天降財神》（The Man Who Fell To Earth）演外星人，前衞造型，演繹出獨特未來感！