讚走在最前嘆「走」得太快

藝人回應

非常震驚，我好喜歡David Bowie嘅作品，佢留低好多出色及啟發性嘅創作，前兩日先買咗佢啱啱推出嘅黑膠唱片。雖然仲未聽，但打開唱片後睇到美術設計非常出色，能夠睇到佢哋團隊嘅創作係好值得我哋欣賞同學習，佢留畀我哋有好多，仍然要進步嘅動力。

太可惜啦！我嘅黑膠唱片櫃入面好大部分係佢嘅唱片，最鍾意係佢首《China Girl》！當年我簽華納唱片，因為老闆係英國人，為咗方便老闆對我有深刻印象而改英文名「Bowie」，出唱片嗰陣改埋個中文名做「保怡」作配合，成為我個藝名。

記得佢去年張大碟仲成為英國年度最佳大碟，可惜嗰時佢冇出席頒獎禮，估唔到佢健康差到咁。佢無論表演、形象、表演模式都係比人早好多，記得喺70年代初，佢嘅作品更有離經背道嘅感覺，佢嗰人行得太快，「走」得都太快。

我只係同David Bowie「曲線」合作過，當年佢唱一首國語歌《剎那天地》，有人搵我幫手錄個Demo畀佢，我哋係冇聯絡、冇見過面。之後我都有翻唱呢首歌，想將呢首歌送畀最偉大嘅David Bowie，對佢嘅離開我好傷感，但佢嘅音樂係真真正正永垂不朽。

我從小學到中學出街都會打扮成David Bowie嘅Look，好似粉紅同紫藍眼影，仲會攞住佢12吋Single，不知幾摩登！世上又少咗一顆巨星，永遠懷念你！

佢係一個好有影響力嘅歌手，80、90年代可謂風靡一時，影響咗好多Pop Stars。雖然我唱嘅歌路同佢唔同，但好欣賞佢，佢嘅離開係樂壇一個損失。」

細細個家人都有聽佢嘅歌，已覺得佢音樂風格同打扮非常前衞，就算到依家都唔覺得Out，我哋永遠懷念佢！」