前DJ撮合唱中文歌Sing援港人抗疫

香港音樂文化人黃志淙當年撮合大衞寶兒獻唱唯一一首國語歌《剎那天地》，可謂關係非淺，他昨日得知好友病逝時，一度激動得不能說話：「97年初，Bowie（大衞寶兒）出咗碟，我以電台DJ身份同佢做長途電話訪問，問佢有冇興趣唱中文歌，佢話Good idea，成件事就由我穿針引線，搵埋林夕填詞，佢自己嗰邊錄音。」
大衞曾與約翰連儂來港度假，大榕樹下留影。
大衞曾與約翰連儂來港度假，大榕樹下留影。

黃志淙指當年香港爆發沙士，任職唱片公司的他製作歌曲《We Shall Overcome》為港人打氣：「覺得《剎那天地》歌詞『我祝福你』好有意思，我寫Email過去，Bowie都批咗首歌，可以擺喺呢隻精選碟。」他又憶述大衞曾於2004年來港舉行巡唱，兩人曾在After Party再見面，亦是最後一次：「最大感受係之前跟癌病康復中嘅坂本龍一提及Bowie，但今（昨）日就收到佢嘅死訊。」黃志淙透露大衞熱愛香港，兩度來港開騷，80年代初曾與約翰連儂來港度假兼於尖沙咀的大榕樹留影。

大衞早年在倫敦開騷，黃志淙專誠捧場兼合影留念。
  • 大衞早年在倫敦開騷，黃志淙專誠捧場兼合影留念。