黃淑玲被催生心急派利是
組合RubberBand成員阿正與「馬來西亞小姐」黃淑玲（Sherine）拍拖三年多，前日正式舉行婚禮，Sherine更於婚禮上感動致眼濕濕。二人坦言希望先享受二人世界，但Sherine好友前港姐翁嘉穗的丈夫鄔友正卻催促她生B，為半歲多的兒子尋玩伴。
RubberBand成員馮庭正（阿正）與「馬來西亞小姐」黃淑玲（Sherine）前日正式拉埋天窗，並低調舉行婚宴，只邀請約70名親友見證，當中包括前港姐翁嘉穗及其丈夫鄔友正，以及RubberBand其他成員。
喜老公齊返教會
Sherine的家人專誠從馬來西亞及澳洲來港出席婚禮，兩人早上於半島酒店進行出門儀式，下午則舉行簽字儀式及派對。Sherine分別換上婚紗及一件桃紅色連身裙，問她有否感動落淚？她說：「冇，忍得住，但都眼濕濕。（做咗人妻有咩感覺？）好新鮮，踏入人生另一階段，好期待新年派利是。」她透露婚禮以基督教儀式進行：「我係信基督教嘅，自從阿正求咗婚之後，佢都開始同我返教會，好好。」
先出唱片後蜜月
至於到哪裏度蜜月？她說：「我哋新年會先去日本滑雪，之後再去歐洲度蜜月。不過日期仲未定，因為我想出咗唱片先，之前放假搞婚禮，下星期開始錄音。」問到婚後會否立即造人？他們表示先享受二人世界，但Sherine笑言：「不過鄔生（鄔友正）都有叫我快啲生BB，咁就可以同佢細仔Kaspar一齊玩。」
而阿正表示：「噚日（前日）係一個party，朝早喺半島（酒店），晏晝喺Amigo食lunch，夜晚就冇嘢嘅，早上喺半島係因為Sherine喺香港嘅屋企好細，所以想租個好好睇睇嘅地方，等佢屋企人過到嚟可以做番個出門儀式。」而昨日他們又與親友一同共進一頓很溫暖的午餐：「主要係我哋嘅屋企人、親戚、同埋一啲識咗超過10年嘅朋友嚟參加，多謝晒大家嘅祝福。」
文：名人組