金剛獻吻陳智燊伸晒脷

陳智燊、高海寧、阮小儀及金剛為新劇《愛情食物鏈》宣傳，期間金剛應監製徐正康要求，主動咀三位拍檔，搞到全場起哄。兩位女生手持膠片，避免與金剛「正面接觸」，反而陳智燊被迫「打真軍」，事後更被金剛投訴「伸咗條脷出嚟」，場面爆笑。

談到與金剛咀嘴，陳智燊笑謂：「佢啲鬚好拮。（第一次同男人咀？）又唔係，之前farewell男同事都試過。（驚結婚嗰日畀人玩？）我有潔癖，希望到時佢哋唔好整污糟我件衫同個頭啦！」陳智燊透露婚期初定11、12月，兄弟團成員有楊明、龔嘉欣等，他又着懇求身旁姊妹團之一的高海寧手下留情。