為食Kelly終解禁：乜都炸！
陳慧琳前晚為慈善節目獻唱完畢後，坦言早前為個唱戒食煎炸食物，現時終能破戒狂食，笑言乜都要炸！而黎耀祥提到監製李添勝3月退休，依依不捨的他指會為對方大搞歡送派對，又笑言自己兩年後退休：「你唔係要我捱咁耐嘛！」
藝人黎耀祥、陳慧琳（Kelly）、陳凱琳（Grace）和薛家燕等，前晚在將軍澳電視城參與無綫節目《慈善星輝仁濟夜》直播。剛完成個唱不久的Kelly於台上載歌載舞，坦言表演過後終能休息一下，可以停止Keep弗戒口：「想食鹹水角、春卷、油炸鬼、炸兩，乜都炸！」問戒口期間有否「壞人」引誘她食煎炸食物，她笑言：「我睇番自己份食物，就睇唔到佢(口地)食乜，我好忍得！」
為李添勝大搞派對
而有份表演沙畫的黎耀祥，被問到會否抽時間再深造時，即笑謂冇時間：「等我退休先啦！（你有排啦！）你唔係要我捱咁耐嘛，我諗住過兩年退休！」談到金牌監製李添勝將於3月退休，直言不捨得的他，打算為對方大搞歡送派對，筵開十數席：「佢都67歲，唔想佢咁辛苦。」至於對方所監製的《巾幗梟雄之諜血長天》被指遭雪藏，他就指公司高層自有評估：「盡(口左)力就得。（新(口既)《財神駕到》都好似擺埋落去？）未必(口既)，都未剪好。」又透露3月與毛舜筠拍攝的處境喜劇暫定拍攝120集。
至於同場的Grace就指自己正在休假，可以多食多睡。問男友鄭嘉穎有否帶她打網球，Grace就指對方有問過：「男仔打型(口的)，欣賞佢夠喇，唔使自己打！（你拒絕咗佢？）唔係，之前忙緊拍劇，可能佢睇完新聞之後就會話『大家都要你試吓喎！』」
文：影視組