陳婉婷挑戰舞台劇唱埋粵曲
無綫藝人陳婉婷（Hebe）入行時間尚淺，已有機會參演不少大熱劇集如《巨輪》及《刀下留人》，早前亦憑處境劇《愛‧回家》飾演奸角而受人注目。工作接不停的Hebe，最近首次挑戰舞台劇，與盧海鵬及譚玉瑛等人合作，她說：「第一次演舞台劇感覺好新奇，原來演舞台劇同拍電視劇有好大分別，舞台劇會有好多動作同舞步，表情誇張啲先表現到情緒。」
Hebe更自爆在舞台劇中大開金口唱粵曲，所以提早學唱粵曲：「自己未接觸過粵曲，加上唱腔同平時唱歌好唔同，都怕自己唱得麻麻，所以一早搵唱歌老師教我點唱。」問Hebe較喜歡演舞台劇還是拍劇？她坦言：「兩樣都鍾意，拍劇嘅好處係可以睇番自己嘅演出，加上逐場拍，相對會多咗時間鑽研劇本。而舞台劇講求一氣呵成，演嘅時候情緒會有連貫，喊戲都快啲入戲。」
陳婉婷（Hebe）Profile
出生日期：1989年5月10日
教育程度：副學士畢業
年齡：26歲