黎曉靈羨慕張家瑩Big爆身材
【陳嘉敏菲律賓直擊】名媛黎曉靈早前帶隊與前亞姐冠軍張家瑩及歌手裕美到菲律賓作慈善探訪，三人完成探訪後前往旅遊，泳衣上陣享受陽光與海灘，當中張家瑩更大騷34D勁爆身材。
前日黎曉靈（Kimmy）與張家瑩（Grace）及裕美在菲律賓著名島嶼Boloh享受陽光與海灘，泳衣上陣大騷身材，當中34D的Grace穿上比堅尼，身材最勁，她參選亞姐時，既是冠軍，亦是完美體態大獎得主，她坦言最滿意自己的身材比例，談到健胸方法，Grace透露每天洗澡後也會按摩胸部三分鐘：「因為怕個胸會下垂，按摩胸部可以通淋巴，預防乳癌，亦可以檢查胸部，有事都可以及早發現。」
每人都有唔同嘅美
至於裕美和Kimmy被問到面對Grace勁爆身材會否感輸蝕？裕美大方地說：「佢攞過最完美體態獎，實至名歸！我嘅身形就薄少少，但自己都好滿意，天生係咁，都係神創造嘅。」她稱沒想過要僭建，笑言可買改善身形的內衣，或多飲木瓜奶來豐胸。Kimmy則大爆姊妹之間常將Grace視為女神，又大讚對方身材漂亮：「天父造每一個人都有唔同嘅美，要識得互相欣賞。好在我有『食極唔肥肚』，暫時都好滿意自己身形均勻。」她表示以前不會影泳衣照，但想到人總會老及怕日後身材走樣，所以應該及早留倩影。
舞火慶生嚇到標汗
另外，本月3日是Grace的32歲生日，大前晚她們在所入住South Palms Resort Panglao的Oceanica Seafood Restaurant晚飯時，Kimmy為好友送上驚喜，進餐時有舞火表演，期間更拉了Grace參與，表演者在其身旁舞火，Grace表現甚為緊張及慌張曾一度想離開，但對方玩多兩個花式才肯放人，之後Kimmy及裕美送上生日蛋糕，並由表演藝人燃點蛋糕上的蠟燭，最後由裕美帶領下與餐廳食客一齊唱生日歌。Grace事後表示當時好驚：「有少少想喊，標晒汗，好怕佢會失手，燒着我啲頭髮，而且啲火近在眼前，我怕到瞇埋眼，但我相信啲表演者係好專業，選擇相信佢哋，真係好難忘，但試過一次就夠，好多謝朋友為我安排呢個驚喜。」
泳衣：Moschino