苗僑偉愛辣跑心痛怕整花
藝人苗僑偉、港姐冠軍麥明詩和友誼小姐林凱恩，昨日聯同香港汽車會會長余錦基太平紳士在數碼港出席「第二屆．香港汽車大獎」頒獎典禮。
雖然型爆的苗僑偉與超級跑車襯到絕，但他就自言揀車傾向以實用為主：「我用開嗰啲都有排用，係每6年要驗車先至會換。」又謂養名貴跑車相當辛苦：「太靚會唔捨得揸出街，長期放喺停車場都會驚整花。」談到無綫將與騰訊視頻合拍《使徒行者2》網劇，有份在《使徒行者》演出的他知道籌備當中，但細節仍未落實。
麥明詩備戰華姐
至於本月23號出戰華姐的麥明詩，就表示自己正積極減肥備戰：「之前食到10分飽，依家就食8分飽，過多兩日就會食到6分飽。」又謂壓力沒選港姐時般大：「今次係第二次所以就有經驗，同埋覺得贏同輸都唔係太重要。」談到合約問題，她指磋商當中：「互相了解緊，都有啲共識。」至於已與無綫簽約的林凱恩就表示將擔任主持，恨拍劇的她希望挑戰辣妹角色：「平時個形象咁開心、咁受歡迎，咁先至有衝突感。」
文：影視組