蔡少芬有「鳴」燈指引圓導演夢
蔡少芬向來想當導演，最近終獲黃百鳴之助「圓夢」！她昨日出席電影公司晚宴時透露將處女執導驚慄片，由黃百鳴擔任監製，但她暫未決定會否參演！同場的子丹則對《葉問3》票房勢如破竹大呼感恩。
昨晚舉行的「天馬周年晚宴」星光熠熠，包括蔡少芬、甄子丹夫婦、熊黛林、方力申與鄧麗欣等，而天馬旗下藝人吳千語則與男友林峯前後腳到場。蔡少芬受訪時透露一圓多年導演夢，首次執導電影《焚身》，預計今年開拍。她坦言向來都有此想法，而黃百鳴亦有找她傾談：「演咗咁多年戲，都想試吓做其他新嘢，今次黃百鳴會做監製。（親自演出？）都仲十五十六，其實唔想演，只係想自己導，希望專心啲。呢部係驚慄片，係講畀啲男人知要負責任。」
熊黛林指意料之內
甄子丹主演的電影《葉問3》於各地票房勢如破竹，他對此大感滿意，談到有否信心衝破香港電影史上最高票房紀錄？子丹說：「冇諗咁多，今次受到熱烈歡迎真係好感恩！（剛於內地奪得「最具影響力動作巨星獎」，心情如何？）拍咗幾十年戲，當多個鼓勵頒個老人獎囉！（金像獎被提名「最佳動作設計」？）師傅（袁和平）應記一功，功力深厚！」身旁的太太汪詩詩則透露農曆新年將留港，又指剛探完妹妹汪圓圓：「佢個肚好大，郁得好犀利！（打詠春？）哈哈！可能係。」
至於《葉》片女主角熊黛林對大收旺場，直言是意料之內：「之前兩套都好收得，今次加咗泰臣、張晉，我嘅感情線加重咗，睇落好溫馨、豐富！（加片酬？）每次片酬都好好！（男友郭可頌睇完讚你靚？）佢有睇話好感動，都有讚靚。」問到可會帶男友返鄉下拜年？熊黛林說：「唔會！得幾日時間。（去男友家拜年？）會！所以會早少少返嚟！」
文：影視組