吳若希K.O.電話騙徒：cut我線無禮貌

香港近年的電話騙案早被鬧得熱哄哄，新聞報道不時提醒市民慎防受騙。而歌手吳若希（Jinny）連日來收到電話騙徒的來電，她更將對話錄音擺上網。操普通話的騙徒聲稱受託於Jinny，將包裹由上海寄到香港。Jinny冷靜地以純正普通話回敬對方：「我沒有寄過。」之後騙徒窮追不捨，Jinny即霸氣回應：「你知道嗎？你這種電話騙案，我們在香港已經有很多新聞報道過了。」最後騙徒知難而退即刻Cut線，令Jinny冇癮之餘，更在網上留言鬧爆：「佢cut我線……搞錯！咁無禮貌（口架），bye bye都唔講聲！」

首次收call感興奮

對此，Jinny昨日表示：「佢哋之前打咗好多次嚟，每次我都收咗佢線，因為做緊嘢，噚日佢哋打嚟我得閒啲，就同佢哋玩咗分零鐘，但係我估唔到佢鍥而不捨。聽到佢哋背景有其他電話聲，集團開始擴大，可能好多人受騙。好難得佢哋咁厚面皮，啲新聞出咗咁多次，都依然用番同一個方法去呃人，我覺得佢哋勇氣可嘉。」Jinny指電話騙案周圍都有，笑言：「我覺得我只係好好彩嘅小綿羊，有機會聽到佢哋電話，呢輪係連續三、四日都有call過我，第一日聽到係好興奮好開心，但之後聽多幾次覺得煩。」

整蠱技巧未夠叻

Jinny表示踢爆對方後，昨日已沒有再收到騙徒的電話，問到可有網民跟她分享接到電話騙案經驗？她笑言：「網上有啲唔同回答，知有啲人整蠱番訛騙電話，我覺得自己輸蝕唔夠叻，改名改得唔夠好，改咗個好普通嘅人名，應該要改一啲出奇啲嘅名再同騙徒傾。」

文：音樂組