周子揚突改口風

藝人周子揚早前自爆舊愛何傲兒（Lily）胞姐何傲芝及父親拜金，遭阻止拍拖，昨日子揚出席活動時被問有否收到律師信？他態度突變說：「放心，之前大家咁友好關係，絕對唔會有呢啲發生。（可能何父告你？）應該唔會，我覺得自己當時激動咗。」他又補充指日後拍拖會先了解對方家庭背景：「最緊要對方屋企人唔好反對，最好門當戶對。」而同場的藝人莊思敏就透露自己屬猴，來年犯太歲，笑言要多拜神防小人。