陳凱琳有婚數撐「父」「穎」夠默契

低胸現身的陳凱琳雖未急於結婚，但承認與嘉穎已有共識。

最近一期《好報》爆料指港姐陳凱琳（Grace）與嘉穎過半同居生活，昨日她出席皮草活動如沐春風，心形胸非常養眼！提到被《好報》獨家拍得與男友鄭嘉穎預祝拍拖一周年，她透露當日只是如常吃飯，稍後再問男友何時正式慶祝。

提到有指半同居嫁硬嘉穎，是否可以恭喜她好事近？Grace說：「咁冇快，大家依家喺Sweet嘅階段。（爸爸詐型話仲未見過嘉穎，佢唔想你咁快嫁？）其實佢嗰日純粹講笑，得啖笑，家人同嘉穎有默契。（見咗家長未？）唔想講咁多私人話題。（你同嘉穎有冇傾結婚？）未，大家有共識點去發展。（佢有冇暗示？）唔講太多。（接受早結婚？）有自己Timing，唔想講嘅嘢都圍繞住佢。」Grace又坦言嘉穎未有要求她拒絕異性埋身，大家都有男、女性朋友，互相信任。

嘉穎與陳凱琳撐枱腳，全程情深對食。	夜闌人靜，嘉穎忍唔住暗拖陳凱琳！	新一期《好報》有「穎琳戀」最新消息，咪走雞啊！

龔嘉欣呻緋聞壓力大

同場還有藝人龔嘉欣與蔡思貝等，龔嘉欣坦言近日不會與緋聞男友吳業坤單獨外出，直認因緋聞飽受壓力，兩人已有共識不要太高調，問到是否若然真的發展也不會公開？她說：「唔會啦！但好開心有人搵我哋出活動，有好好嘅合體價。」

文：名人組