諸葛紫岐 ：一家唔知一家事

名模諸葛紫岐昨晚出席活動時，表示不認識Togi，故不會去評論別人家事：「我無睇到啲相，唔方便評論，第一我唔識佢哋，第二唔係發生喺我身人，加上又唔係小三。」而名人周國豐表示：「從來唔會評論人哋私事，局外人好難作出評論，我唔識佢。（作為人夫點睇？）呢度好多都係人夫，你問下佢哋。（自己有冇誘惑？）唔覺，唔係太太都唔會咁放心（去旅行），反而我擔心佢。」

對於吳忠義與女子激咀，司馬燕表妹陳麗文表現淡然，並稱表姐夫如有新伴侶要恭喜他：「如果佢有新伴侶咪恭喜佢，（兩日後係表姐死忌，會唔會唔係咁好？）唔會，佢已經單身，發展另一段感情冇問題，（知佢拍拖？）我哋有聯絡，但佢冇同我講拍拖，我都唔知，不過佢唔需要同我交代。（表姐死忌有悼念儀式？）會同家人有個簡單儀式，（表姐夫出席？）會，（到時會了解拍拖一事？）唔會問啦。」

而司馬燕好友周美鳳則謂：「佢（Togi）依家單身，攞正牌去識女仔，冇問題喎，（但過兩日係司馬燕死忌？）都唔關事嘅，人總要向前望，正面啲諗，不過人哋嘅事，唔關我事啦。」