莊思敏食住潮流 賣點心博上市

曾經先後開時裝店、化妝學校及經理人公司的莊思敏，做過多瓣生意，始終覺得做飲食最穩陣，她說：「搞生意一定有風險，覺得零售最難做，賣唔出會壓死啲貨，但做飲食衰極都有得食，起碼填飽個肚先。（目標賺幾多？）以前諗過賺百萬已經好好，但依家啲人做飲食可以賺過億，所以我要將個目標定高啲，希望上市，不過要靠拍檔先得，哈哈！」

計劃內地開店

未來點心店還會在澳門及大陸開分店，又計劃在港開中央廚房，集中處理食物，計劃多多。至於該點心旗艦店會以Little Twin Stars公仔造型設計的點心作招徠，她說因為Little Twin Stars是她的年齡層的集體回憶。對於香港人食飯前習慣「相機先食」，故她對店內的得意造型的點心甚有信心。

勸妹返鄉睇檔

昨日其胞妹莊思明、模特兒陳祉妤、藝人張致恒與女友莊端兒、藝人梁麗翹等，名模趙嘉懿與老公更帶同五歲半的大仔前來試食，當作親子節目。

莊思敏獲胞妹莊思明（左）捧場，笑言將來要對方返家鄉看舖。	名模趙嘉懿與老公更帶同大仔前來試食，當作親子節目。	陳祉妤（左） 老闆之一的鄭躬明與太太陳君宜（中）到新店巡視。

問到思明會否入股姊妹檔做生意？莊思敏搶着說：「唔知畀唔畀人入股喎，第日喺馬來西亞開分店，你返家鄉睇檔。」而老闆之一的富商鄭躬明與太太陳君宜昨亦到新店巡視，有份設計食物的陳君宜表示有信心打造成最有型的點心神話。

文：名人組