所謂有其父必有其子，有其兄必有其弟，近期喺日本寫真界稱得上係呼風喚雨嘅巨乳妹柳優里菜憑住可愛面孔以及驕人身材而上位，估唔到佢家姐原來亦索到啪啪聲，乜佢家姐又係寫真女郎咩？冇錯！佢就係柳彩花喇！
閱讀名著《三國演義》時，睇到一段情節都令人幾心酸，就係美周郎周瑜被三國第一智將諸葛亮連番挫敗，激到吐血，仲話：「既生瑜，何生亮」。老實講，世事無絕對，有諸葛亮嘅存在，唔代表唔可以有周瑜並存啫，正如有吉澤明步亦可以有蒼井空吖！好似柳彩花咁，即使見到自己嘅妹妹柳優里菜名成利就，亦一樣抱住互相鼓勵同扶持嘅心態，一齊喺寫真界發光發熱。
25歲嘅柳彩花面孔標致，美貌可以稱得上屬於絕色美人之列。而比起妹妹，柳彩花面上不失青春味，但同時多咗幾分和善親切嘅姊系氣息，如果將佢同柳優里菜比較，我就鍾意家姐多啲。講到身材，彩花亦比妹妹優勝，大家嘅上圍一樣有E Cup，但係彩花身上就較少肥肉，身材更勻稱更有曲線美。
柳彩花上年出道之後，人氣火速上升，除咗因為生得又靚又好波，拍寫真時風格大膽，經常着住極之少布嘅泳裝搔首弄姿之外，同佢妹妹亦有好大關係。柳優里菜喺2013年踏足寫真界，雖然可愛又好身材，但係就要等到上年，憑拍攝紅酒廣告，以性感形象配合傳統日本女性感覺至成功彈起。其時，優里菜同彩花喺東京居住，妹妹嘅成名固然令彩花對寫真工作好奇又充滿期盼。之後有傳媒追訪優里菜嘅時候，發現彩花亦係咁索，並且讀高中嘅時候已經參與過模特兒工作，於是招攬彩花加入寫真界。
雖然彩花比妹妹更有吸引力，但係出道日子淺，人氣未及妹妹，之不過，彩花唔介意亦冇妒忌，更經常拎出寫真作品同妹妹交流一番，大家感情更為增進且有更多話題，彩花表示希望同妹妹組成巨乳姊妹檔搵食，不過暫時大家都隸屬不同事務所，要組姊妹檔就要等多陣喇。
簡介：柳彩花除咗不時會將自己拍攝寫真時嘅花絮放上社交網同粉絲分享外，仲會公開自己同妹妹柳優里菜嘅生活片段，兩姊妹真係好感情，我都好想同柳彩花做一對好姊妹呀！
網址：https://twitter.com/iroha_1204?lang=ja
年齡：25歲
身高：5呎5吋
三圍：34E-23-34
撰文：賢