呂晶晶股災去瘀任捽

呂晶晶（左）與趙碩之合作新劇考演技。

鬥戲火藥味濃

另外，日前啟華、宣萱、呂晶晶和趙碩之在灣仔商業大廈內取景，在會議室中眾人討論得面紅耳赤、字字鏗鏘火藥味濃，圍戲齋講對白已使「戲氛」熾熱！碩之和晶晶以套裝造型示人，其實她們在劇中是「隱世」高手，為演繹角色亦盡心盡力！飾演改造人的碩之腦內無情感可言，劇中的她更慘成人球任人擺布，笑嘲自己似隻狗：「其實我係特別需要人湊，好似要湊隻狗咁，因為我又唔知自己喺邊度嚟，唔知要做啲咩，將我丟嚟丟去。」

學泰拳跌傷筋

而首當打女的呂晶晶在開拍前專程學泰拳，惟在提升運動量和動作美感兼修身的同時，亦難免受傷，她在踢腿時失平衡屁股落地，最後半股瘀血的她只好睇跌打治療：「好彩尾龍骨嗰啲無事，只係傷到筋，休息兩個星期就可以繼續。（有人幫你捽屁股瘀血？）跌打師傅囉！（感尷尬？）唔會！你必須要畀人醫，唔係好唔到。因為真係瘀得好勁！」

宣萱、吳啟華與趙碩之認真對戲。	呂晶晶（左起）、宣萱、趙碩之、周美欣及吳啟華偷閒玩自拍。	陶大宇（左）與吳啟華原來係同學仔。