拍戲寫稿教埋書 秋生忙到甩轆

演技派的黃秋生昨日與蘇玉華（阿蘇）、潘燦良及甄詠蓓到觀塘為下月公演的舞台劇《狂揪夫妻》綵排，秋生預告明年工作忙碌：「舞台劇依家總共演14場，之後去新加坡演，另外我會去馬來西亞拍邱禮濤導演嘅恐怖片《失眠咒》，出年好多嘢搞，想同英皇傾搞個musical，我又要寫書、寫稿、做電台，有人搵我教書。（攞完視帝多番工作？）又唔係喎，都係自己搞嘅。」
黃秋生周身刀張張利。
黃秋生周身刀張張利。

阿蘇則無懼粗口對白：「劇情需要就講，自然流露。（刻意要同上次吳君如版有唔同？）我同吳君如本身就唔一樣，我演出時都會忠於劇本，由劇本帶住嚟行，所有嘢自然發生。」

蘇玉華與男友潘燦良為舞台劇綵排。
  • 蘇玉華與男友潘燦良為舞台劇綵排。