何傲兒會合老闆 遊日散心

藝人何傲兒（Lily）與周子揚拍拖一年多，日前男方突然宣布二人早在九月分手，更聲稱遭人苛索每月十至廿萬元生活費，以及廿萬元解決稅務問題。眼見家人被抹黑，Lily和胞姊何傲芝發出聯合聲明，揚言「將保留一切法律追究權利」，Lily更以短訊表示極為憤怒，更寸爆周子揚：「多謝他送上最好的聖誕禮物！」

「一早買咗機票」

面對周子揚連日發功，一直低調處理事件的Lily昨日終首度露面，於早上八時許現身機場，架墨鏡、穿黑色外套的她甫見記者即禮貌地報以微笑，一早來送機的何母則秒速閃避鏡頭。據知，其老闆林建名一家日前飛赴北海道度聖誕，隨行更安排數名保鏢貼身保護，昨日則舉家移師東京繼續玩，Lily將於當地會合林家去旅行。

問到是否前往東京？單拖出發的Lily坦承應邀去東京度假四日，預計31日返港度除夕，她又強調：「林生細女（林煒珽）叫我一齊去玩，佢哋去咗北海道先，我再喺東京會合佢哋，我哋一早買咗機票，唔係因為出咗乜嘢新聞要去氹人開心，今次就當去散心。（林生出錢請你去玩？）唔係。」

周子揚早前自稱遭苛索生活費。	入閘前何傲兒禮貌地向記者揮手。	張明偉早前力撐緋聞女友何傲芝。

返港後才回應

心情是否已經平復？Lily沉默數秒後回答：「冇諗，依家係去旅行嘅心情。」談到早前揚言會以法律追究，是否已經向周子揚發律師信？她說：「處理中。（事發後有聯絡？）唔回應喇，返到香港再講啦。（點睇周子揚突然爆料？覺得有冇目的？）冇回應，總之好多謝呢段時間支持我哋嘅朋友。（你指張明偉？）總之多謝一班好友啦。」提到跟周子揚目前的關係如何？Lily卻低頭沉默不語，追問兩人是否「再見不是朋友」？她再次表示返港後才再作回應，語畢便匆匆入閘。

張明偉	何傲兒在微博放上與林建名及林建名細女林煒珽的合照。

文：影視組