孫祖君捱餓晒肌
內地歌手孫祖君（Kris）加入香港樂壇僅短短兩個月，憑強勁人氣在前晚的「新城勁爆頒獎禮2015」中得「勁爆海外新人王」獎，Kris為回饋歌迷，特別在台上晒肌獻唱。
Kris接受訪問時稱之前因工作簽證問題，未能上台表演，今次專程來港攞獎遂落力演出：「我怕有肚腩，唔敢食飯，只係食咗幾塊牛肉，完騷後超肚餓，食咗兩碗飯。」他希望香港歌迷鍾意其表演，承諾會繼續努力，並透露即將有新歌推出。而另一位「勁爆海外新人王」得主，則是韓國女歌手李河璘。
至於憑《超級星光大道》彈起的歌手閻奕格奪得「新城勁爆演繹大獎金獎」及「新城勁爆全國偶像」兩獎，她坦言是首次奪獎：「今年對我嚟講先係正式出道，攞咁大嘅獎，對我嚟講係好大嘅強心針。」
