Kay苦中作「樂」 感觸爆喊

前晚《新城勁爆頒獎禮2015》圓滿落幕，Kay壓軸上台兼在今年度頒獎禮「開齋」，上台領獎時心情難免激動，她滿面淚痕說：「做音樂本身係好快樂嘅事，過去十年我嘅音樂路，好多美好回憶，點解次次攞次次都一泡淚，呢個開心時刻，情緒好複雜，為咗做好音樂，好多時承受壓力都好大，由出道到大家記得我個名，到買我唱片，支持我音樂、睇演唱會，為得獎而鼓掌，每一分一秒都好寶貴。」

慶功宴上，阿Kay為身形豐滿不少解畫：「之前病咗三個禮拜，因為（食咗）類固醇，我諗要啲時間先可以去到水腫，最緊要把聲好番。」問到部分歌手冇到都有獎？她表示：「我冇工作，又喺香港，都好喜歡出席頒獎禮，因為頒獎禮會睇到好多歌手唔同嘅階段，睇到好多人努力、受到嘉許，好有激勵作用，我覺得冇出席嘅歌手個心都係支持嘅。」她又說不會計較其他歌手去賺錢，而她要攞獎錯過搵錢機會。

謝安琪淚灑頒獎台。	星娛樂歌手齊集慶功宴，獨欠被傳不滿公司的關心妍。	朱明銳（前右五）宣布明年2月榮休，獲贈「新城獎座」。

張敬軒擺明恨獎

至於軒仔成為男大贏家，有傳他將在「叱咤頒獎禮」奪男歌手金獎力壓陳奕迅？軒仔說：「好老實講，都真係有部分香港頂尖歌手淡出頒獎禮，我哋呢啲後輩先有機會上到呢啲台，有時都好矛盾。（好似排隊攞獎？）由第一年開始，都望終有一日去到某個位。」又說既然傳媒繼續做頒獎禮，歌手都要堅持繼續支持。

至於有傳他揮低陳奕迅得「叱咤男歌手」金獎，軒仔坦言：「話唔恨攞獎就假嘅！」再有傳之前在「勁歌」頒獎禮因周柏豪輸獎而缺席，若再得金獎可擔心惹怒柏豪再缺席？軒仔覺得柏豪不會嬲，除頒獎禮機制外，傳媒跟唱片公司關係亦重要，讚柏豪攞金獎屬實至名歸。

朱明銳2月「榮休」

至於新城知訊台台長朱明銳在慶功宴上宣布榮休，眾新城DJ將以「新城獎座」交軒仔和Kay再轉給朱明銳賀「榮休」，朱明銳否認「被退休」傳言，稱早兩個月前同公司傾退休，並謂：「會喺我二月生日嗰日離開，加盟綜藝娛樂有關新公司。」而他承認去年「中指托眼鏡」是提早退休導火線。

文：音樂組