林知譽娶羅穎怡齊齊喼弗
達利國際創辦人林富華長子林知譽（Will）將於下月二日迎娶羅氏針織後人羅穎怡（Wendy），昨日準新郎出席聖誕聚餐，他表示婚期將至，心情緊張：「依家忙緊婚禮細節，主要係Wendy負責搞。（你負責咩？）我聽佢講，佢叫我做乜就做乜。（婚禮花幾多錢？）冇計，最重要開心。」除了忙於籌備婚禮外，Will與Wendy為以最佳狀態示人，齊齊做運動減肥，Will已成功減去七磅。
另外，曾與林芊妤（Coffee）發生「gathering」事件的Will被問到會否因此而影響他面對傳媒？他說：「件事發生咗好耐，最重要係之後做得更好。」至於會否請Coffee出席飲宴？他坦言：「大家冇聯絡好耐，我睇新聞，佢有祝福我，多謝佢。（希望佢都快結婚？）最重要大家開心，係佢嘅決定唔係我。（擔唔擔心佢喺你婚禮當日贈興？）唔會。」
