過多幾日就踏入2016年，每年嚟到呢個時候總會有啲百感交集，有人歡喜亦有人愁緒。不過做人嘅嘢梗係日日開心最好，喺新一年希望更進一步兼且財源廣進，唔好嘅嘢統統走晒，迎接新氣象。有見及此，今次一於同大家講吓各種同「New」有關嘅情色詞語，並預祝大家明年每日都開開心心！
「New Celibacy」係個近年新創造出嚟嘅詞語，係指新嘅獨身主義，當中並非話唔結婚咁簡單，仲要禁慾！可能對於一啲人嚟講，禁慾未必接受得到，皆因冇得曳曳嘅話，人生又有乜嘢快樂可言呢？不過對奉行呢種主義嘅人嚟講唔算大件事，如果喺英國城市卡萊爾（Carlisle）推動呢種主義嘅話，咁就真係全城愁爆，皆因有約會網站曾經針對歐洲多個城市進行調查，研究邊個地方嘅男性最為濫交。佢哋訪問咗超過25,000人後，結果發現卡萊爾嘅男性聲稱自己每年有超過14個性伴侶，而呢個數字大幅拋離其他城市嘅男性，佢哋平均每年有3至4個性伴侶，令卡萊爾成為歐洲最濫交嘅城市。
如果問大家「New South」係指人體上某個部位，唔知大家估唔估得到係指邊度呢？答案就係口。「New South」之所以會同口嘅英文「Mouth」扯上關係，係同美國人講「Mouth」呢個字時，發音同「New South」相當近似有關。講到口呢個詞語，鍾意尋花問柳嘅玩家都知道，口舌服務係重要一環，不過大家知唔知道喺18世紀嘅法國，原來只有高級妓女先至會提供呢種服務呢？話說當時嘅法國巴黎，雖然妓女呢種職業係合法，但卻要向巴黎政府登記，而據資料顯示，當時嘅巴黎有多達3萬名妓女，當中嘅高級妓女服務對象主要係上流社會中人，佢哋憑住出色嘅口技俘虜唔少客人，收入同地位比一般民眾高。
電影界有著名新浪潮作品，而美國四仔原來亦有經典新浪潮之作，當中喺1991年推出嘅《New Wave Hookers 2》更被喻為代表作。呢部作品由四仔片商VCA製作，搵嚟著名四仔導演Gregory Dark執導，而演出嘅脫星個個都人氣極高，包括Danielle Rogers、Sandra Scream、April Rayne、Amanda Addams等，故事講述妓女如何生活。而導演喺燈光同鏡頭上落足工夫，加上出色嘅剪接技巧，藝術成分遠超一般四仔，難怪喺1992年AVN頒獎禮中獲得年度最高銷量大獎。至於其後續作品，《New Wave Hookers 3》喺1993年XRCO頒獎禮中獲得最佳雙人床戲獎，又喺1994年AVN頒獎禮中獲得年度最佳租賃量大獎；《New Wave Hookers 5》喺1995年AVN頒獎禮中連奪最佳美術指導、最佳特技及最高租賃量三個大獎，絕對值得大家一睇再睇。
日本嘅人氣AV女優作品固然要追睇，但新進女優同樣唔可以錯過，如果想知道呢期有乜嘢新進女優嘅話，應該點搵好呢？有一個AV系列只要係AV迷都一定聽過，就係專以新進女優為主題，由日本人氣AV片商MAX-A推出嘅《New Comer》系列。顧名思義，呢個系列以公司旗下初出道嘅女優為賣點，可謂處女下海。此外，佢哋更識得包裝女優，令AV迷更加有幻想之餘，並且會了解多啲女優嘅背景，最常見嘅有現役國立女大學生、現役寫真女優、現役運動員等，當然一啲相當特殊嘅職業，佢哋更加會着力進行宣傳，製造哄動嘅效果。
撰文：魂