王賢誌無心插柳 hea住贏頭馬

前晚是聖誕節，不少名人都開派對慶祝，東華三院副主席王賢誌（Vinci）、藝人趙雅芝兒子黃愷傑與女友、苟芸慧（苟姑娘）及公關鄭紹康等都有出席，提到Vinci在沙田馬場拉頭馬，他坦言意料之外：「真係估唔到，嗰日東華盃，我嗰隻馬低班所以跑唔到，求其報咗個，一路食嘢hea住睇，一賠65咁冷門點會諗到贏，一衝線全場大叫，好開心，有三、四十人陪我拉頭馬。」他表示是今年的最佳聖誕禮物，雖然自己落注少，但今次好開心朋友都贏：「一賠十都難，朋友問我都話唔使買，第一次咁多朋友（支持），平時唔敢叫咁多，佢哋會畀面落注，今次我話還晒o架喇！」他透露1月9日會再參賽。

苟姑娘無黨無派

苟姑娘表示聖誕節沒有男士邀約及送禮，反而自己想買紅色跑車，但未有能力；提到她餐飲事業賺不少，她表示將會在中環開第二間分店。談到有傳無綫各派大鬥法，指屬高層余詠珊黨派工作機會比其他人多，她直言：「我一路都係外星人，完全唔知發生咩事，呢個係優點，做好本分，其他嘢唔理真定假。」至於會否重投演員拍劇？她坦言未知身體會否承受得到，現在主要做主持工作。而她昨日更在微博表示會將今年收到的聖誕禮物捐出給有需要的人及機構，十分有愛心。

王賢誌喜與一眾友人齊齊拉頭馬。	苟姑娘自認外星人，不捲入派系鬥爭。	王賢誌開派對，好友們紛紛出席。

黃愷傑冇被催婚

同場的黃愷傑表示翌日要飛往上海工作，問到會否向女友求婚作聖誕禮物？他表示暫時唔會：「專注事業先，大家都有共識。（唔想爬阿哥頭？）唔會特登而唔去結，睇天時地利人和。（屋企人冇催？）冇，佢哋希望兩個人開心就得。」

文：名人組