黃家強近日被網民狂轟，事緣早前他與內地手機品牌合作，宣傳海報用上其已故兄長黃家駒的相及「海闊天空」四字作宣傳，家強即被指借哥哥搵錢，而手機商更以「家駒」和家強再合唱作宣傳焦點，令不少內地Beyond迷很期待這次「兄弟合唱」。
家強之前為手機拍攝了廣告，廣告商找來一個貌似家駒，被網友笑指是「膠駒」的人跟家強合唱，昨晚家強於東莞出席手機發布會，家強出場時彈着結他，站在台的右邊演唱《海闊天空》，台左邊以3D技術投射出「膠駒」影像，「膠駒」的影像穿紅色外套，抄足家駒生前喜愛的造型，不過有觀眾卻批評「膠駒」太膠。
尾段家強說了一句對白：「喺22年嚟我嘅經歷有高有低，但每當我抬起頭睇到你嘅時候，所有磨難都不值一提，你嘅信念海闊天空，我嘅人生超級續航。」最後，家強和「膠駒」向着對方跑過去，再來個「深深擁抱」。現場又有女歌迷將紙放在胸口，請家強簽名。
網民看到片段後紛紛留言，有網友批評「膠駒」不似家駒，頭髮和聲音都未做好，糟蹋了他們的偶像。亦有人說看到兄弟相擁也感動落淚，也有人叫家強爭氣，別再消費家駒。當然亦有歌迷撐家強，指他有就此事作慈善捐獻。
對於「膠駒」有欠完美，家強昨晚回覆：「現場只顧投入演出，冇睇清楚，依家放大啲圖片睇，個心都離一離，但我相信廣告商已經盡咗力，或者係科技上未達標，但意義上已達到，好多歌迷喺微博留言支持我，都話睇直播睇到喊，感受到大會對家駒嘅愛，好支持今次嘅善舉。」
文：音樂組