甄子丹投耆所好被讚真男人

甄子丹、張晉、譚耀文及吳千語等昨於香港出席《葉問3》慈善放映場，席間，子丹大施高超舞技，與長者大跳Cha Cha，逗得一班長者笑開眉！又獲一位婆婆睇完電影後，大讚其角色是「真男人」！

身為該片監製的黃百鳴被問到何時開拍《葉問4》，他表示：「希望今次唔使再等咁耐先開，坊間亦唔好咁多《葉問》出現啦。」不過問到子丹是否會再接演？子丹卻未有即時確認，只笑謂：「咁要睇整體配合同劇本喇喎。」至於有否向傳將結婚的熊黛林度期開工，子丹說：「佢個角色死咗嘞。」

甄子丹與黃百鳴率領眾演員與嘉賓合照。	武學高手今次轉玩跳舞，一樣氹得長者笑逐顏開。	吳千語

未能陪家人過冬

子丹今次創出金句「身邊嘅人最重要」，戲中太太熊黛林病逝令他大感難過。他不諱言：「演員要將自身經歷透過角色演繹出嚟，我平時亦好忙疏忽家人，愈拍愈有共鳴。（想留多啲時間陪屋企人？）都係，不過冬至又要飛台灣宣傳，老闆（黃百鳴）先有得做冬！」不過，素來疼錫家人的子丹，都會盡快回港，跟太太、仔女們度聖誕。

至於張晉則表示今日會舉家出發過白色聖誕。問到有否為家人準備聖誕禮物，他笑答：「未，會補番嘅。之前收到老婆大禮，佢話聖誕、元旦、新年加結婚周年（1月12日）可以重手啲，我都要諗諗，唔係就家變。」

內地上映不同步

另《葉問3》將於十二月廿四日在港上映，但內地卻並非同步，暫時未有上映期，問子丹會否擔心影響內地票房？他謂：「我做演員，會盡自己所能拍好部電影，但票房嘅嘢就睇老闆喇，我當然會尊重投資者嘅決定，（擔心電影會受盜版影響嗎？）講明盜版，大家當然不會以身試法。」

文：影視組