盧巧音不捨余文樂 女人仔難冧霆鋒

盧巧音日前接受有線節目《往事．並不如煙》主持吳綺莉訪問，Candy罕有講述入行後的浪漫史，包括與謝霆鋒的戀情：「當年我哋一齊開音樂會，佢突然上前送花畀我，又主動追求我，之後我哋好自然一齊，可惜好快發現大家性格唔夾，維持咗幾個月就分手。」更笑謂分手原因可能是自己沒霆鋒想像般有型：「只係個普通女人仔！」

唔覺似湊仔

之後Candy又講到與余文樂的戀情：「我哋因為合作廣播劇發生感情，當時大家好愛對方，好認真，不過最後因為一個誤會分手，諗番都覺得好可惜。」

謝霆鋒與盧巧音的戀情只維持了數月。（資料圖片）	余文樂和盧巧音因合作廣播劇而撻着。	盧巧音已與樂隊Kolor主音Sammy結婚。

回顧兩段姊弟戀，Candy都很難忘：「雖然係姊弟戀，但我唔覺得似湊仔，相反佢哋思想成熟，好照顧我。依家見到佢哋發展得咁好，都戥佢哋開心。」Candy又指自己從過去的關係中反思，覺得以前年少氣盛，性格強悍，容易因小事發脾氣而惹起衝突，現在已學懂收斂自己情緒。

小學已初戀

談到自己的男仔頭性格，Candy指因此吸引很多追求者：「我由細到大都好『男仔頭』，好容易同男仔打成一片，可能因為咁會較多男仔追我。」Candy更自爆小學已初戀，之後讀書時亦有多次戀愛經歷，但最後總無疾而終。

文：影視組