容祖兒缺陣 提早奪新城兩獎

容祖兒前晚第11度奪得「最受歡迎女歌星」，她坦言面皮薄，並稱假若獎項不值得她奪得：「我會唔好意思，有愧於心。」祖兒指獎項是成個團隊的鼓勵，她不會宣布不領獎。去年祖兒缺席新城頒獎禮，令新城不滿，她坦承今年同樣因工作在身而未能出席，新城知訊台台長朱明銳昨日說：「冇失望就一定假嘅，我明白依家歌手商演搵錢為先，有時冇辦法，尊重人哋商業決定。」雖然新城頒獎禮跟無綫一樣，堅持「唔到冇獎」，但新城率先披露會提前頒兩個獎給祖兒，朱明銳解釋：「知道祖兒係想得到獎項鼓勵，係迫不得已先缺席頒獎禮，既然係咁新城會提前頒畀佢。」不過他希望歌手們能支持香港樂壇的頒獎禮，相信對唱片業有一定幫助。