任達華冇份坐扁嘴
英皇集團主席楊受成博士於合肥投資開設「英皇電影城」昨隆重開幕，楊先生出動私人飛機，由香港接載旗下紅星包括容祖兒、林峯及溫碧霞等北上剪綵，場面熱鬧。惟任達華近日因身在上海與郭富城合拍新片，故只能獨自乘高鐵由上海往合肥會合大隊，難怪他搞笑扁嘴謂：「佢哋坐得豪，又有一級靚叉燒飯食，我只有蘭州拉麵醫肚咋。」
合肥影城投資過億
談到這超級豪華的電影城，見慣大場面的任達華亦不禁謂：「我去過咁多影展，呢個電影城都算數一數二咁豪華啦，可媲美當年香港嘅碧麗宮，如果日後我有新戲上，要楊生畀晒13個戲院我做首映。聽講單係投資都超過港幣1億，認真厲害。」近月常出埠拍戲的他，笑言趁昨日這難得機會，與同公司兄弟姐妹敍舊，感覺溫暖：「其實我最掛住香港嘅雲吞麵，可惜佢哋冇幫我帶碗嚟囉。」
祖兒：開影廳放手印
而昨日的開幕慶典上，眾星甫進場即於入口處簽名及拍照留念，為電影城留下「星光」之餘，更聯同楊受成博士及英皇電影行政總裁利雅博進行打手印儀式。祖兒即打趣：「英皇藝人手印眾多，戲院又愈開愈多，我諗老闆開多個影廳嚟放手印先得。」
文：影視組