曹敏寶認接受同性戀
前港姐曹敏莉的歌手妹妹曹敏寶（Mable），被最新一期《好報》拍到翹實中性密友Mag Shum濕平、撐枱腳及睇戲，Mable更呆企廁所門口廿分鐘等對方，Ｍag為氹「女友」開心，食飯時不停放笑彈，儼如熱戀情侶，有指Mag已融入曹家不時參加曹家聚會。
記者昨日致電Mable求證，忙於拍攝微電影的她，被問Mag是否另一半？Mable以四個好來形容兩人關係：「係好好好好嘅朋友。（如何認識？）佢係我表哥好朋友，同我都好Close。」問是否與對方發展？Mable口震震否認，但強調接受同性戀，問有否遇過同性戀者示愛？她說：「我讀女校，遇見好多同試過。」據知兩人於窩打老道山豪宅同居多年，而曹家上下視Mag為自己人，Mable亦承認與Ｍag是「同屋主」，又稱好朋友都是女生，而Mag更是相識多時的知己。