盛君走光事小最驚毀容
藝人盛君早前拍電影《S風暴》煞科戲時，被今期《好報》拍得她遭兩位男武指當眾撕爆衫露出NuBra兼燒燶頭髮，嚇到情緒失控當場爆喊，期後有指她情緒低落，日前更到銅鑼灣看精神科醫生，惹來患創傷後遺症之嫌。
在內地工作的盛君昨日電話回應：「事前冇講會扯爛衫，當時有啲驚，有喊，但唔係好耐，我係驚毀容，就算走光都好少啫。我冇嬲，係意外，好小事，冇放喺心。」至於是否因而情緒不穩要向精神科醫生求助，盛君否認：「睇醫生係因重感冒，我係樂觀嘅人，過去就由佢過去。」談及她曾跟吳卓羲拍內地劇《待嫁十年》而傳緋聞，她說：「我同吳卓羲只是好朋友，仲有聯絡，但都係朋友之間問好。」
