杜如風 展廚藝睇得又食得
被喻為「世界級港女」的旅遊達人杜如風，為證明自己「入得廚房，出得廳堂」是非一般港女，不惜親自炮製精美food art。對「港女」形象，她只認同一半，揚言不使男人錢又不工心計，故不擔心嚇怕追求者，自信十足。
旅遊達人杜如風已單身了兩年，雖然成日飛去不同地方，但身邊不乏追求者，只是有感緣分未到，不能強求。
唔使男人錢
問她怕不怕「港女」形象嚇怕追求者？杜如風說：「唔怕，識我嘅人都知我係點，我喺香港出世，梗係『港女』。同埋都睇你點定義港女，如果係代表好鍾意買嘢、好有自信，我梗係係啦！但如果話係呃男人錢、好工心計嘅話，我就唔係，我杜如風係唔使男人錢嘅。」
杜如風不時到外地飲飲食食，甚少親自下廚的她笑言：「一年都未必煮到一次。」但她決定寓煮食於娛樂，以色彩繽紛的食材，製作精美的food art，證明自己入得廚房，出得廳堂。而一向鬼主意多多的她，普普通通的食材經她處理，即時變得有趣。
視覺上享受
創意十足的杜如風以卡通電影《Up》為靈感，把彩色繽紛的食材砌成一間房子及花園的模樣，再加上不同顏色的餃子當作氣球，掛在房子之上，真是創意爆燈。她說：「視覺上嘅享受好重要，好似日本啲食物成日都好精緻、雕花咁，未食之前睇見都已經開心！」問到甚少下廚的她曾為誰下廚？杜如風說：「爸爸、媽媽，之前男朋友都食過。（特登為男朋友學煮嘢食？）其實係得閒就煮，同埋我自己鍾意煲湯，咁啱佢有份飲啫。」
文：名人組
化妝：Jenny Tziong
髮型：Tavin Liu
鳴謝：灣仔碼頭
場地：Master Cookshop@Kwai Fong