黃德斌恨拍笑片Cool得「喜」

黃德斌在無綫新劇《刀下留人》飾演一名劊子手，外形Cool爆又具殺氣。他指劊子手的工作本身兇狠，他直言未嘗試過這類型的角色：「其實難演一面係我要抑壓感情，唔可以動情，對感情卻步。」他與邵美琪曾合作劇集《火舞黃沙》，電影上亦演過夫妻，黃德斌坦言邵美琪是好拍檔，他說：「佢係一個我好敬重嘅對手，我當佢前輩o架，唔關年齡事，而係佢做事好專業。今次再合作大家有默契，係一拍即合，佢好快投入角色。我同佢合作咁多次，唔需要特別磨合，好容易拎到個感覺演得好自然。」

不會計較戲份

黃德斌今次擔正男主角，問他會否有獎項和收視壓力？他說：「我冇諗咁多，好多外來因素冇得控制，演員始終只係可以做好每一個角色。無論戲份多與少，一部劇唔係只得一個人去做，每個人物都重要，觀眾先鍾意睇，只希望做到多啲觀眾喜歡。」至於會否覺得了是遲來的「男一」？他表示：「冇得咁諗，演員係被動，機會人哋畀。一路我都係做好每一個角色，唔會計戲份多少。」

邵美琪做事專業，令黃德斌非常欣賞。	外形冷酷的黃德斌亦有搞笑一面。	黃德斌與邵美琪於《刀》劇再演情侶，默契十足。

想試不同角色

外形硬朗樣子Cool爆的黃德斌，被問會否因此局限角色演繹？他笑言現實中並不是大家看到螢幕前的模樣。他說：「認識得我耐嘅人就會知，但我唔係刻意營造Cool嘅一面，可能呢個係演員先天性一個條件。我都想演喜劇o架，好多唔同類型角色都想試，其實我嘅幽默感都唔少。」

文：影視組

髮型：Billie @ Hair Culture

化妝：Eleena Yu @ Agogo Image

場地：Termini Tea Yard