洪卓立分期買首飾畀女友定驚
普天同慶的聖誕節即將來臨，歌手鍾舒漫（Sherman）及洪卓立（Ken）一同相約揀聖誕禮物送給另一半和家人，Ken自爆要送首飾給女友湯怡，並努力工作儲老婆本；仍是單身的Sherman就坦言希望35歲前可以當媽媽，被Ken取笑她恨嫁呢！
昨日鍾舒漫及洪卓立一同到英皇珠寶揀選聖誕禮物，二人對於店內推出的免息分期大感興趣，Ken表明要送首飾給女友，他說：「佢嚟緊要返內地拍電影，仲要拍佢最驚嘅鬼片，所以都想買啲首飾送畀佢獎勵吓佢，呢度又有得免息分期，買貴少少都得，其實我以前都有送過戒指畀佢，不過嗰陣冇乜錢，就冇買好貴嘅！」他透露二人已一同度過了第八個聖誕，問到可有結婚計劃？他說：「30歲後，再儲多啲錢先！」他謂今個聖誕由於女友要到內地工作，故未能一起慶祝，但會預先吃大餐呢！
嫁妝豐厚
而仍是單身的Sherman就踢爆母親留了不少嫁妝給她，希望她將來風光出嫁，問到可有結婚打算？她即說：「都要搵到男友先，（有乜擇偶條件？）要明白我工作，唔好雞同鴨講，（圈中人？圈外人？）我依家擇偶都好廣闊，冇乜所謂，可能閃婚呢！我之前諗想35歲前生BB，因為再遲啲生就對BB有影響，不過依家都唔諗啦，我覺得自己仲有好多時間，唔心急！」此話一出，即被在旁的Ken取笑她恨嫁；記者問Ken會否介紹男孩子給Sherman？他笑說：「我哋朋友都係嗰堆，而且佢有自己一套，都唔聽人講嘅！」
文：名人組