G.E.M.遭觀眾柴台：返大陸啦！
「宇宙天后」G.E.M.（鄧紫棋）前晚以一襲鮮紅色性感露肚連身褲出席頒獎禮時，台下突然有觀眾大叫「返大陸啦」，不過可能因為現場太嘈她聽不到。另外，提到霍啟山是否追求好友何超蓮時，G.E.M.笑言收到超蓮的封口令：「叫我唔好亂咁噏！」
由新城電台舉辦的頒獎禮《新城勁爆新人王搶先獎》前晚於九展舉行，大會更邀請G.E.M.及組合C AllStar擔任頒獎嘉賓，為一眾樂壇新人打氣。大會頒發了多個獎項，早前揚言不會出席頒獎禮的G.E.M.率先獲得「新城全球勁爆歌手」、「新城全球勁爆歌曲」兩個獎項，而C AllStar亦勇奪兩個組合大獎。但當G.E.M.上台時，台下有觀眾大叫「返大陸啦」，不過可能現場太嘈雜，G.E.M.未有聽見。
為超蓮封嘴
G.E.M.受訪時對於奪得兩個獎項很感動，因今年經歷不少高低起跌，但同時感謝所有事令自己成長。有報道指其「緋聞男友」馮允謙已有位圈外心儀對象，她可有追求者？G.E.M.笑言冇人追：「我已經喺啲報道內徵婚。（冇氣餒？）冇呀，急唔嚟，順其自然啦。」有指霍啟山追求她的閨密何超蓮，G.E.M.笑言回應跟李蘊一樣：「靚女一定多人追，超蓮都叫我唔好亂咁噏！」
被標籤毒男
近日人氣上升的歌手吳業坤奪得「新城勁爆年度新人王」，他表示今年事業尚算順利，問他是否介意被人叫做「毒男」？他說：「我一直都以最舒服、最自然嘅方式見大家，可能因為戴黑框眼鏡，好少藝人以咁嘅形象出現喺銀幕，就被標籤為『毒男』，大家先有咁大反應。」
文：音樂組