Jeana寸通王宗堯當莊思敏透明

王宗堯早前於微博發表「老臨論」，正正辣（慶）同公司的莊思敏，其後兩人因電影《導火新聞線》中的造型與檔期而掀罵戰，莊思敏更公開爆喊求公道，一度指王宗堯斷人衣食。兩人隨後被老闆蕭定一召見，以為風波暫告一段落，但《導》片昨日舉行開鏡活動，曾揚言與王宗堯不是「Close Friend」的何佩瑜（Jeana）突然與王宗堯結盟，齊齊寸爆沒有被邀請出席的莊思敏！

準備定動真火

莊思敏前晚與黃榕及夏尉喻等出席夜場活動，被問到會否出席昨日的《導》片拜神活動時，她自爆公司冇通知：「喺冇被邀請嘅情況下我唔會出席。（覺得不被重視？）可能唔想再有多啲是非，可以理解。（會唔開心？）唔會！客串冇乜所謂。（王宗堯話有對手戲，叫你熟讀劇本！）我重複睇過唔見有，開完工大家咪知道有冇。」問到如果有對手戲，會否怕動真火？她說：「冇所謂，如果有我會有心理準備。」

王宗堯得勢不饒人，寸莊思敏時不知幾得戚！	莊思敏直認沒有被邀請出席新片拜神，但未有「葡萄」。	黃榕與夏尉喻出席夜場活動鬥性感！

昨日的拜神活動上，莊思敏果然沒有現身，出席之一的Jeana率先出招，受訪時指《導》片應該改名叫《着火新聞線》，又笑言老闆搞宣傳為何不預自己：「三個人好玩啲嘛！（如果係真又點？）咁我咪做和事老囉！盡人事啦！（莊思敏冇被通知出席？）佢唔想搶我鏡啫！」說到此時，路經的王宗堯聞得Jeana笑指「唔叫埋她」時即說：「你係演員嘛，要明哲保身，唔好做啲唔好嘅宣傳。（老闆話係宣傳喎！）今日開鏡就宣傳。」Jeana即寸寸貢：「咁票房一定好啦！」問到早前的《鴨王》是非是真是假，她說：「嗰次真喎！」

叫拍檔小心啲

其後，曾以「後衞打前鋒」來形容莊思敏的王宗堯開始發功：「後衞仲未上場，我哋踢好比分先，相信控制得到嘅。（莊思敏話開鏡冇通知佢。）唔關我事喎！」他轉頭又問Jeana：「你遇到啲乞人憎嘅人會點？」Jeana即答：「忍讓、大方同無視囉！」王宗堯緊接無奈地說：「真係有一定難度，自己小心啲囉！經一事長一智，日後要慎言。」一唱一和寸爆莊思敏。

文：影視組