莫文蔚四個月見老公一次

歌手莫文蔚（Karen）昨日現身有份設計的首飾活動，她透露剛在英國陪伴老公返港，還未適應時差，自爆四個月才見老公一次，她說：「其實依家英國係我屋企，但我之前成四個月都冇返過去，所以咁啱有兩星期就飛咗返去。（四個月冇見過老公？）中間我喺台灣開演唱會佢有飛嚟睇過一場，不過當時我都忙到唔得閒理佢。（老公有冇投訴？）佢知我冇得離開舞台，嚟緊聖誕我都要做嘢，但會抽一星期同老公去德國。」